Hari Jadi Sampang Sè Kapèng 401, Pemkab Sampang Nyalasè Ka Rato Ebuh Kalaben Raden Kabul-Nusaberita.live

SAMPANG | nusaberita.live – Pamarènta Kabupaten (Pemkab) Sampang, Madhureh, Jhebeh Tèmor lèbat Dinas Pemuda, Olahraga, Budaya bân Pariwisata (Disporabudpar) setempat mabeḍeh peringatan Hari Jadi Kabupaten Sampang kapèng 401 sè gheggher è arèh Senin (23/12/2024).

Sala settong rangkaian kegiatan delem rangka a peringathih Hari Jadi sè kapèng 401 Kabupaten Sampang enggi antara èpon nyalasè ka Makam Rato Ebuh e Jelen Mangkubumi, Kelurahan Polagan, Sampang, Madhureh, Jhebeh Tèmor, Senin (12/23/2024) ghu-lagghuh.

Kegiatan kasebbut è hadiri sareng Penjabat (Pj) Bupati Sampang, Rudi Arifiyanto S.Sos MA MSE kalaben sadhejeh jajaran Forkopimda, Sekdakab Sampang, Kepala OPD, jajaran Forkopimcam, Lurah, Ulama sareng tokoh masyarakat setempat.

Salastarènah pembaca’an sorat Yasin, Tahlil kalaben dhuweh, acara ka’dinto è lanjuttaghih aropah paparan sejarah perjelenan Kabupaten Sampang kalaban aguna’agi bahasa madhureh, ben a sareng pidato dhari Penjabat (Pj) Bupati Sampang sè a ghuna’aghih delem bahasa madhureh jughen.

Delem sambutan sè a ghuna’aghih bahssa madhureh ka’dintoh, Rudi Arifiyanto èssènah intinah marèksah sakonè’ sejarah Kabupaten Sampang ben adhuwe’aghih mogheh-mogheh amal sè saè dherih Rato Ebuh sareng sadhejeh leluhur sè laènnnah è katarèma’ah sareng Allah SWT, jughen ngarep nilai-nilai peradabhen tor parjuwanganna para leluhur ka’dhinto bedhih deddhiyeh panutan, sa’èngghe salanjengngah bisa è kennang sareng masyarakat Sampang.

Acara puncak nyalasè ka’dinto aropa’aghih prosesi nabur kembheng è koburannnah para leluhur, wabil khusus è pon kobhurannah Rato Ebuh, tokoh legendaris sè aropa’agi simbol sejarah ben kabudhaya’an masyarakat Sampang, khusus è pon sè bedheh è kawasen sekitar Masjid Madegan Sampang.

Manabih ca’èpon Kadisporabudpar Sampang, H. Marnilem notorraghi, je’ serangkaian kegiatan sè èlaksana’aghi ka’dintoh aropa’aghih acara sè lakar rutin è gelar sabbhen taon è delem rangka a peringathih Hari Jadi Kabupaten Sampang.

“Manabih taon 2024 samangkèn, acara inti nyalasè è bada’aghi è duwe’ kennengngan, èngghi ka’dintoh è Makam Raden Kabul (Aji Gunung) mènangka aropa’aghi simbol Aghemah, kalaben Makam Rato Ebuh mènangka aropa’aghi simbol Pemerintahan,” mongghu pamatorrah H. Marnilem ajellassaghi.

Ben è tamba’aghi, Kadisporabudpar tetep ngarep, derih kegiatan ka’dhintoh bisa deddih ghembheren perjuangan mongghu de’ sakabbhinnah masyarakat Kabupaten Sampang. (PM_Red)